Dy persona janë përplasur me thika në lagjen “Kala” të Elbasanit. Ngjarja mësohet të ketë ndodhur pasi 35-vjeçari me iniciale E.Sh.,ka nxjerrë thikën dhe ka goditur shtetasin Gj.Ç.
Si pasojë e goditjeve ky i fundit ka marrë plagë të lehta në trup. Pasi mori mjekim në spital ai ndodhet tashmë në shtëpi, ndërkohë që 35-vjeçari duhet të japë llogari në polici për veprën penale “Plagosje e lehtë me dashje”.
“E. Sh., 35 vjeç, banues në lagjen “Kala”, Elbasan, për veprën penale “Plagosja e lehtë me dashje”, pasi për motive të dobëta, ka goditur me mjet prerës në trup shtetasin Gj. Ç., duke i shkaktuar dëmtime të lehta”, njofton policia.
