Ditën e djeshme në televizionin kombëtar “Top-Channel” është bërë i njohur rasti i berberes së parë Shqipëri.
Ajo është Liljana Kurti, 22-vjeçare e cila ndonëse u përballë në fillim me habinë e priondërve për profesionin e zgjedhur prej saj, sërisht vazhdoi me këmbëngulje të punonte në berberhane.
“Mirëmëngjesi! Erdhi dielli i sallonit”, thotë njëri nga djemtë që pret të marrë shërbimin e tij.
” Unë jam Liljana Kurti, jam 22 vjeçe dhe jam një vajzë berbere. Para dy vitesh mu ofrua një punë e tillë dhe pranova menjëherë pasi më pëlqen”, thotë ajo për mikrofonin e Top Channel.
Si e priten familjarët e tu kur u the që unë do të punoj ne një berberhane?
Liljana :U çuditën edhe pastaj e pranuan.
Çfarë reagimi bëjnë djemtë kur shohin një vajzë në sallon?
Liljana : Uaaa, kjo do të më qethë mua?! Vërtetë një gocë këtu?!
Si është të punosh në një ambient vetëm me meshkuj?
Liljana : Është e çuditshme, por që ambientohesh pasi të kthehet në rutinë.
Ndjehem e përkëdhelur, apo ndihesh e ngacmuar?
Liljana: Jam e përkëdhelur, duke qenë se jam e vetmja vajzë këtu më trajtojnë mirë. Çunat janë shumë më të sjellshëm dhe është shumë e lehtë të punosh me meshkujt.
Po ngacmime ke?
Liljana : Do të ketë edhe ngacmime të vogla, por duke qenë se punoj në një vend me klientelë të zgjedhur nuk janë uuauaa.
Bakshishe të lënë?
Liljana: Po djemtë janë shumë falënderues, dhe ma shpërblejnë punën.
Më shumë paga apo bakshishe?
Liljana : Aty,aty
Por si u zgjodh Liljana pjesë e një vendi ku punohet vetëm me djem?
“Përse vendose që Lili të jetë pjesë e stafit tënd? Doja të sillja diçka ndryshe, dhe vajza ishte e duhura. Plus që prezenca e një femre këtu në sallon rriti seriozitetin.”, tha Seni.
Që të mos biesh pre e ngacmimeve Liljana thotë se në sallon duhet të mbash qëndrim serioz dhe të mos flasësh shumë me djemtë. Në fillimet e saj Liljana u paragjykua si vajza që nuk dinte të stilonte flokët e meshkujve, ndërsa sot që në orët e para të mëngjesit, djemtë mbajnë radhë për tu qethur tek berbere Liljana.
