Dalin detaje të reja nga aksidenti tragjik në aksin Librazhd – Elbasan ku një makinë si pasojë e përplasjes ka përfunduar duke rënë në lumin Shkumbin.
Burimet nga mediat kombëtare kanë bërë me dije se janë nxjerrë nga makina 4 persona mes tyre dy të vdekur (një grua dhe një mashkull), kurse dy të tjerë janë nxjerrë gjallë (një vajzë rreth moshës 17-vjeçare dhe fëmija 3 vjeç ndodhen në spital). Dyshohet se brenda makinës kanë qenë 6 persona, ku një prej tyre është brenda automjetit pa shenja jete (dyshohet një djalë i ri).
Makina e aksidentuar ndodhet ende poshtë lumit Shkumbin. Në momentin kur forcat e shpëtimit tentuan të futen, një prej trupave që dyshohet se ishte i pajetë e mori rrjedha e lumit.
Gjithashtu bëhet me dije se pak minuta më parë forcat e shpëtimit kanë nxjerrë trupin e një fëmije në gjendje kome, i intubuar u dërgua me urgjencë në spital. Forcat e kërkim shpëtimit janë ende në terren dhe po punojnë për të nxjerrë të tjerë trupa pa jetë.
