Berisha deklaroi nga selia blu se dyert do të hapen nesër me çdo kusht, dhe fortifikimet do të dërgohen në shtëpinë e Lulzim Bashës.
“Nuk ka asnjë diskutim që dyert do të hapen në mënyrën më të vendosur, që selia do u rikthehet demokratëve. Nuk ka blind, apo beton që mund të pengojë demokratët shqiptarë. Ata do i ngarkojmë në një kamion dhe do ja dërgojë pranë shtëpisë” tha ai.
Sali Berisha kishte një thirrje edhe për personat, killerat që i quajti ai, që janë brenda selisë së PD-së që të dalin. “Kemi informacione të regjistruara. I ftoj ata dhe familjet e tyre t’i nxjerrin nga selia, të shkojnë në shtëpitë e tyre, të mos bëjnë mercenarin sepse do të përballen me pasoja shumë të rënda.
Kemi pa diskutim emra. I kemi të identifikuar, por këtu përgjegjës numër një është Lulzim Basha, Lulzim Brava, që nxjerr zëdhënësit e tij dhe mashtron” tha ai.
