Prokuroria e rrethit ka nisur hetimet për abuzimet e kryera në investimet publike në Elbasan.
Sipas informacioneve, hetimet janë në fazën e verifikimit dhe aktualisht janë në hetim investimet prej 5 milionë eurosh që Bashkia ka bërë në rrugën “25 Nëntori”.
Pritet që në orët në vijim të dalin më shumë detaje në lidhje me këto hetime.
Ndërsa pa kaluar 6 vite nga ky investim drejtoria e Ujësjellësit ka ndërhyrë më shumë se 37 herë për të riparuar defektet si pasojë e cilësisë së dobët të punimeve.
Sakaq, sot në orët e para të mëngjesit në këtë rrugë është ndërhyrë për herë të 38-të. Investimi në këtë zonë është kryer nga kompania “Ergi shpk”.
Kjo firmë ka pasur për detyrë të merrej me sistemimin, asfaltimin, rregullimin e trotuareve e ndriçimin e rrugëve.
