Një 50-vjeçar nga Elbasani dhe një 32-vjeçari nga Librazhdi janë arrestuar për vepra të ndryshme penale.
50-vjeçari me iniciale E.S., banues në Elbasan ka ushtruar dhunë fizike dhe psikologjike ndaj ish-bashkëshortes së tij, kurse 36-vjeçari nga Librazhdi është arrestuar pasi pa goditur me thikë dy shtetas për motive të dobëta.
Njoftimi
Specialistët për Hetimin e Krimeve në DVP Elbasan arrestuan në flagrancë për veprën penale “Dhuna në familje”, shtetasin E. S., 50 vjeç, banues në Elbasan, pasi ka ushtruar dhunë fizike dhe psikologjike ndaj ish-bashkëshortes së tij.
Nga specialistët për Hetimin e Krimeve në Komisariatin e Policisë Librazhd u arrestua në flagrancë shtetasi N. S., 36 vjeç, banues në Librazhd, pasi për motive të dobëta, ka goditur me mjet prerës (thikë), shtetasit M. P., 30 vjeç dhe R. B., 32 vjeç, banues në Librazhd, të cilët pas mjekimit në spitalin e Librazhdit, janë larguar për në banesë.
Specialistët e Seksionit të Trafikut Interurban dhe Urban në DVP Elbasan arrestuan në flagrancë për veprën penale “Shkelja e rregullave të qarkullimit rrugor”, shtetasin A. Xh., 28 vjeç, banues në Elbasan, pasi duke drejtuar automjetin tip “Toyota”, ka aksidentuar shtetasen M. Xh., 19 vjeçe, banuese në Elbasan, e cila ndodhet jashtë rrezikut për jetën.
Materialet do t’i referohen Prokurorisë së Rrethit Gjyqësor Elbasan, për veprime të mëtejshme.
