26-vjeçari Kliton Pira mësohet të ketë krijuar lidhjen e tij me Jawsackie Jaboah për të marrë letrat Angleze, pasi kishte shkuar në Mbretërinë e Bashkuar në mënyrë ilegale me kamion.
Mësohet se Klitoni rreth 3 vite më parë, sapo kishte mbërritur në Angli kishte humbur edhe babain. Zyrtarisht u njoftua si vetëvrasje, por që familjarët dyshuan se ishte vrarë. Ai ishte në hasmëri me një familje tjetër në rrethana ende të panjohura.
Genci Pira babai i 26 vjeçarit u njoftua nga policia se ishte gjetur i vetëvarur në zonën e Korçës. Ai ishte nisur përmes kufirit të gjelbër të kalonte në mënyrë të paligjshme pasi punonte me sezone atje. Madje edhe i biri para se të shkonte në Angli, udhëtonte drejt Greqisë me të atin ku punonin me sezone kryesisht në bujqësi. Familja Pira me origjinë nga Dibra jetonin prej rreth 30 vitesh në zonën e “Don Boskos” në Tiranë, ku tanimë qëndron vetëm e ëma pasi edhe vëllezërit e tij jetojnë jashtë vendit.
Mësohet se Klitoni e kishte përjetuar dramatikisht humbjen e të atit. Ai kishte ndërprerë kontaktet me shoqërinë në Tiranë por edhe me ata që e ndihmuan apo shoqëruan drejt Anglisë. Vdekja e babait u konsideruar si vetëvarje, ndonëse në polici familjarët kishin deklaruar dyshimet e tyre për vrasje për shkak të hasmërisë.
I riu njihej si ndër më të sjellshmit në “Don Bosko”, ndërsa një i njohur i tij thotë pa pranuar të identifikohet, se dyshon tek shtetësja geneze ta ketë përfshirë në ndonjë aktivitet apo histori që ai nuk e ka dashur.
