Kryeministri Rama ka uruar mëngjesin e sotëm me një foto në shkallët e selisë së PS-së. Me foton e ish-liderit të socialistëve, Fatos Nano, në sfond ai u ka kërkuar ndjekësve falje që i zgjoi “si gogol”.
“MIRËMËNGJES, dhe me ndjesë që po ju zgjoj si gogol në këtë ditë pushimi, teksa PS e ka ditë kongresi, uroj për të gjithë ju një fundjavë të qetë”, shkruan Rama në postimin e tij.
Gjatë ditës së sotme, PS do të mbajë Kongresin e saj, ku pritet që të zgjasë për disa orë, me panele të ndryshme diskutimi, si dhe me një sërë fjalimesh nga ana e përfaqësuesve të lartë të kësaj force politike.
Në këtë Kongres priten që të miratohen një sërë ndryshimesh statutore, përfshirë dhe ato që lidhen me përfundimin e mandatit të kryetarit në rast se humbet zgjedhjet.
AXHENDA E PLOTË E KONGRESIT:
Kongresi i Partisë Socialiste nis punimet e tij në orën 9.30.
Në pjesën e parë do të jenë 5 panele që do të zgjasin nga ora 9.30-11.30:
Rinia, Inovacioni, Fëmijet
Vendi: Kollonat mes Sheshit Italia dhe Sheshit Nënë Tereza
-Rajoni, Europa, Siguria
Vendi: Holli i Pallatit të Kongreseve
-Bujqësia dhe Siguria Ushqimore
Vendi: Sheshi Nënë Tereza
-Energjia, Mobiliteti, Mjedisi
Vendi: Sheshi Italia
-Shëndetësia dhe Mbrojtja Sociale
Location: Hapesira para hyrjes se Pallatit te Kongreseve
Pjesa e dytë nis në 12:00 – HAPJA E PUNIMEVE me fjalën e Sekretarit të Përgjithshëm, Damian Gjiknuri, mbi pjesën organizative dhe politike të PS
KËSHILLIMI KOMBËTAR – Paraqitje e rezultateve të procesit dhe objektivat. Elisa Spiropali.
ANGAZHIMI NË POLITIKË – Hapja dhe fuqizimi i Partisë Socialiste. Ditmir Bushati.
PËRFAQËSIMI i qytetarëve dhe PËRGJEGJËSITË e mazhorancës. Taulant Balla.
Fjala e Kryetarit të Partisë Socialiste z. Edi RAMA.
B)Sesioni i punimeve formale -Çelja e pjesës organizative.
STATUTI – Prezantimi i paketës së ndryshimeve në Statutin e PSSH-së. Blendi Klosi.
DIGJITALIZIMI – Prezantim i platformës së re digjitale. Etjen Xhafaj
DISKUTIME – Hapje e diskutimeve të lira nga delegatët e Kongresit.
MBYLLJA E PUNIMEVE TË KONGRESIT
