Një ngjarje e pazakontë ka ndodhur në lagjen Queens të Nju Jorkut, ku një gjel duket se ka terroizuar lagjen.
Për NBC një banor ka treguar se si gjeli e kishte sulmuar nga dora duke bërë që t’i mbulohej nga gjaku.
“Si zakonisht po kthehesha nga puna dhe ndjeva një pickim në dorën e majtë,” tha Leon Suseran , i cili u përpoq ta godiste me këmbë, por ai vazhdonte ta kafshonte.
“Ai ishte agresiv, gati djallëzor. Ndërsa gjaku buronte nga plaga, ai po përpiqej të më kafshonte përsëri .”
“Armiku me pendë” i Suseran nuk është vetëm ndonjë gjel i zakonshëm, ka një reputacion në lagje.
Ata që jetojnë në zonë thanë se gjeli dhe një grup pulash kanë vite që bredhin në zonën rreth Rrugës 169, duke terrorizuar njerëzit.
“Kam dëgjuar që fëmijët nuk mund të ngasin skuter dhe nuk mund të ecin lirshëm. Duhet të jeni të kujdesshëm tani nga gjeli,” tha fqinji duke qeshur,shkruan NBC.
Është e vështirë të mos qeshësh me idenë se njerëzit tani duhet të mbajnë sytë hapur dhe të mbrohen nga një gjel sulmues në rrugët e qytetit të Nju Jorkut. Por kushdo që jeton në zonë thotë se nuk është shaka.
