Një person ka humbur jetën pas aksidentit të ndodhur pranë Metalurgjikut të Elbasanit. Sipas informacioneve të deritanishme, viktima është identifikuar si Lefter Binjaku i moshës mbi 50-vjeçar, ndërsa drejtuesi i mjetit tip “Opel” është 36-vjeçari me iniciale E.M.
Më poshtë është videoja ekskluzive e ElbasaniOn, në të cilën shihen pamje nga vendngjarja.
Elbasan/Informacion paraprak
Më datë 31.01.2022, rreth orës 14:00, në aksin rrugor Elbasan-Metalurgji, shtetasi E. M., duke drejtuar automjetin tip “Opel”, ka aksidentuar me pasojë vdekjen, shtetasen L. B., rreth 50 vjeçe, dhe është larguar me shpejtësi nga vendi i aksidentit.
Falë ndjekjes nga shërbimet e Komisariatit të Policisë Elbasan, Policisë Rrugore të DVP Elbasan, Forcave të Posaçme “Shqiponja” dhe Njësisë Operacionale është bërë e mundur kapja e drejtuesit të mjetit, shtetasit E. M., rreth 36 vjeç, banues në fshatin Katundi i Ri, Elbasan, i cili ndodhet në ambientet e Policisë, për kryerjen e veprimeve të mëtejshme procedurale. Mjeti tip “Opel” është sekuestruar në cilësinë e provës materiale.
Grupi hetimor po punon për zbardhjen e rrethanave të aksidentit.
