Një 3-vjeçare humbi jetën në spitalin Pediatrik të Elbasanit gjatë orëve të para të ditës së sotme.
Agim Islami, babai i fëmijës nga fshati Kusarth, ka thënë për mediat se e bija kishte 8-9 sëmurë dhe mjekët i kishin thënë se bëhej fjalë për një virozë.
“Vajza nuk ishte sëmurë asnjëherë. Para një jave pati problem shëndetësore dhe e dërguam në spital. Mjeku na tha që ka virozë. Dje u përkeqësua sërish dhe e sollëm në spital. I bën sërum dhe na vdiq. Kishte 8-9 ditë sëmurë me të njëjtën gjendje. Nuk e kuptoj as vetë se si ndodhi kjo”, tha ai duke theksuar se vajzën e kishte sjellë në spital me buzë të nxirë.
Pas mbërritjes së fëmijës në gjendje të rëndë, mjekët e kanë future atë në oksigjen, por e mitura nuk ka mundur t’ia dalë.
Më herët, në lidhje me ngjarjen ka reaguar edhe policia, e cila tha se po kryhen hetimet e nevojshme për zbulimin e shkakut të vdekjes së fëmijës.
Reagimi i policisë
“Më datë 19.01.2022, në orët e para të mëngjesit është dërguar në spitalin e Elbasanit, në gjendje të rëndë për jetën, shtetasja e mitur A. I., 3 vjeç, i cili pas disa orësh ka humbur jetën.
Grupi hetimor ka kryer veprimet e para hetimore në vendngjarje dhe pritet ekspertiza mjeko-ligjore për përcaktimin e shkakut të humbjes së jetës.
