Të qenurit gjithnjë i ngarkuar me punë e bën jetën tuaj më të lodhshme dhe të vështirë, por mjaftojnë vetëm disa sjellje të kthyera në rutinë që do të mund t’ju kthejnë buzëqeshjen në çdo ditë.
Më poshtë do të gjeni disa nga sjelljet që do t’ju ngjallin lumturinë gjatë ditës.
Merrni frymë thellë
Gjithçka që duhet të bëni është të merrni disa frymë duke mbyllur sytë dhe duke u përpjekur të përqendroheni në frymëmarrjen tuaj.
Merruni me pjesën më të vështirë të ditës tuaj
Sipas ekspertëve, ne mund të “rregullojmë” trurin tonë, “duke përfituar” nga disa substanca që sekretohen në të. Nëse ka diçka që mund ta shmangni, siç është një e-mail ose një telefonatë e vështirë, ta bëni atë sa më shpejt të jetë e mundur gjatë ditës tuaj do të shkaktojë sekretim të dopaminës dhe do të ndiheni shumë më mirë menjëherë.
Dëgjoni muzikë të lumtur
Kur ndiheni të trishtuar ose të shqetësuar, vendosni një listë me muzikë të lumtur. Sipas një studimi të vitit 2016 të pacientëve me Alzheimer, muzika kontribuon në disponimin dhe mirëqenien duke ulur nivelet e stresit.
Mendoni për ata që kujdesen për ju
Një mënyrë për të bërë që truri juaj të sekretojë oksitocinë, i njohur gjithashtu si hormoni i dashurisë, është të mendoni për njerëzit që doni dhe ndiheni të sigurtë me ta. Pyesni veten, kush do të jetë gjithmonë pranë jush pavarësisht se çfarë ndodh. Atëherë mund ta telefononi këtë person ose nëse jeni në të njëjtin vend, përqafojeni.
Bëni diçka të mirë për dikë tjetër
Kërkimet kanë treguar se veprimet e mirësisë mund të shkaktojnë lumturi. Mjaftojnë lëvizjet e vogla si mbajtja e derës së ashensorit për dikë ose dhënia e një buzëqeshje të sjellshme dhe një bisedë e mirë me fqinjin tuaj.
