Policia ka reaguar për ekzekutimin e dyfishtë në Elbasan, ku Lulzim Bitri dhe Ardian Çollaku kanë ndërruar jetë.
Elbasan/Informacion paraprak
Në Bradashesh, afër rrethrrotullimit të luleve dyshohet se nga një automjet në lëvizje eshte qëlluar me armë zjarri në drejtim të dy personave këmbësore.
Si pasojë njëri prej tyre, shtetasi Lulzim Bitri, rreth 35 vjec nga Katundi i Ri Elbasan ka ndërruar jetë në vendngjarje, ndersa personi tjetër Ardian Çollaku, ka ndërruar jetë në Spitalin Rajonal Elbasan.
Policia ka mberritur në vendngjarje dhe ka ngritur pika kontrolli.
Në ndihmë të policisë vendore janë nisur Fnsh e Renea dhe një grup specialistësh nga Departamenti i Policisë Kriminale në PSh.
Te metalurgjiku po digjet një automjeti tip “Volo”, dyshohet i autorëve.
Është rrethuar zona po vijon krehja për kapjen e autorëve.
Grupi hetimor nën drejtimin e Prokurorisë vijon punën për fiksimin e cdo prove ligjore që do çonte në zbardhjen e ngjarjes, identifikimin dhe kapjen e autorëve
