Aksidenti i dytë me pasojë humbje jete në Belsh. Në aksin rrugor “Belsh-Grekan”, motomjeti me drejtues një 17 vjeçar ka përplasur një 80-të vjeçare(këmbësore).
E moshuara ka ndërruar jetë në spital, ndërsa i plagosur ka mbetur dhe drejtuesi i motomjetit.
Belsh/Informacion paraprak
Në aksin rrugor “Belsh-Grekan”, motomjeti me drejtues shtetasin B. A., 17 vjeç ka përplasur shtetasen R. L., rreth 80 vjeçe (këmbësore).
Si pasojë e dëmtimeve, shtetasja R. L., ka ndërruar jetë në spital.
Gjithashtu, është dëmtuar 17-vjeçari i cili ndodhet në kujdesin e mjekëve, jashtë rrezikut për jetën.
Me 17-vjeçarin po kryhen veprimet e mëtejshme procedurale.
Grupi hetimor po kryen hetime për sqarimin e rrethanave të aksidentit.
