Biznesmeni italian Claudio Formenton, nisi të fliste në rrjetet sociale me një vajzë të re, u dashurua me të, dhe fluturoi drejt Afrikës për t’u takuar, por sapo mbërriti në aeroportin e Abidjanit, në Bregun e Fildishtë, ai u rrëmbye.
Formenton u largua më 27 nëntor nga Italia, duke i thënë familjes së tij se do të shkonte në Afrikë për të ndihmuar misionarët. Sipas asaj që është rikonstruktuar nga Corriere, sapo ka zbritur, një taksist e ka pritur duke mbajtur një tabelë me mbiemrin e tij. Ai hipi në makinën e tij dhe që nga ai moment filloi rrëmbimi i tij.
Për tre ditë me radhë rrëmbyesit e çuan atë sa në një strofkë në një tjetër, derisa u arrit që të lirohej nga punonjësit e policisë, të cilët e gjetën në një hotel në Bonoua.
Prokuroria e Romës ka hapur një hetim. Nga dëshmia e Formenton-it, i cili ndërkohë u kthye në Itali, dhe nga puna hetimore e rezultoi se burri kishte udhëtuar vetëm për qëllime humanitare, siç u mendua fillimisht, por edhe për të takuar të renë nga Bregu i Fildishtë të njohur në internet si Olivia Martens.
Ka qenë vajza që ka kontaktuar me burrin nëpërmjet rrjeteve sociale, e cila i ka treguar edhe vështirësitë në pagesën e avokatëve për zgjidhjen e problemeve ligjore. Formenton nuk i dërgoi kurrë para gruas, por ai do të kishte pranuar t’i bashkohej asaj në Afrikë.
Prandaj, rrëmbimi do të dukej të ishte një kurth. Hetuesit dyshojnë ndër të tjera për ekzistencën e Mertens dhe dyshojnë se ai ka joshur edhe sipërmarrës të tjerë italianë.
