Kryetari i Bashkisë Elbasan Gledian Llatja i është drejtuar me një shkresë Këshillit Bashkiak Elbasan dhe Kryetarit të Këshillit Bashkiak Lutfi Lala mbajtjen e mbledhjes jashtë radhe të Këshillit Bashkiak më datë 19 dhjetor. Në mbledhjen jashtë radhe do të diskutohet mbi miratimin e numrit maksimal të punonjësve të Bashkisë dhe institucioneve vartëse të saj si dhe miratimin e nivelit të pagave për vitin 2024 .
Gjithashtu në këtë mbledhje në prag të festave të fundvitit do të diskutohet edhe për ndryshimin e Vendimit te Keshillit Bashkiak Elbasan nr.58 date 26.05.2023 te “Per miratimin e perdorimit te fondit te kushtezuar te mbrojtjes civile per vitin 2023” ndryshuar me VKB date 13.09.2023.
Sakaq komisionet për shqyrtimin e kërkesës janë mbledhur ditën e shtunë me datë 16 dhjetor.
NJOFTIM
Lënda: Njoftim për mbajtjen e mbledhjes jashtë rradhe të Këshillit Bashkiak Elbasan.
Drejtuar: Këshillit Bashkiak,
Kryetarit të Këshillit Bashkiak Elbasan
Në mbështetje të ligjit nr. 139/2015 “Për vetqeverisjen vendore” neni 53 pika 3/a, po ju paraqes këtë kërkesë për mbledhjen e Këshillit Bashkiak Elbasan më datë 19.12.2023 ora 11:00 në ambjentet e qëndrës rinore me këtë rend dite:
- Mbi miratimin e numrit maksimal të punonjësve të Bashkisë dhe institucioneve vartëse të saj si dhe miratimin e nivelit të pagave për vitin 2024.
- Per ndryshimin e Vendimit te Keshillit Bashkiak Elbasan nr.58 date 26.05.2023 te “Per miratimin e perdorimit te fondit te kushtezuar te mbrojtjes civile per vitin 2023” ndryshuar me VKB date 13.09.2023.
Të ndryshme,
Vo.Komisionet do të mblidhen ditën e shtunë më datë 16.12.2023 ora 10:00 në ambjentet e Bashkisë Elbasan.
KRYETARI I BASHKISË ELBASAN
Gledian LLATJA
NË MUNGESË DHE URDHËR ZV.KRYETARE
Aulona BYLYKBASHI
