Shërbimet e policisë pranë IEVP Peqin, kryen një kontroll blic në qelitë e institucionit ku u gjet dhe u sekuestrua një telefon celular tip ”iPhone 16” i vendosur në karikim si edhe një USB.
Celulari iu gjet shtetasit Indrit Shaqja, në dhomën 11 katin e parë, ku ai kryen dëminin. Bëhet me dije se për rastin u njoftuan menjëherë strukturat e SHKBB-së për kryerjen e veprimeve të mëtejshme procedurale.
Njoftimi i Drejtorisë së Përgjithshme të Burgjeve:
Kontroll blic në IEVP Peqin
Në bazë të të dhënave operative, strukturat e Policisë së vetë institucionit ushtruan kontroll blic në godinën B, sektori nr. 2, dhoma 11, kati i parë.
Gjatë kontrollit, të dënuarit me iniciale I.SH. iu gjet dhe sekuestrua një telefon celular në gjendje pune, i ndezur dhe në karikim, si edhe një USB.
Për rastin u njoftuan menjëherë strukturat e SHKBB-së për kryerjen e veprimeve të mëtejshme procedurale.
Drejtoria e Përgjithshme e Burgjeve vijon luftën pa kompromis ndaj futjes dhe posedimit të sendeve të ndaluara në institucionet e vuajtjes së dënimit.
