Elbasan, 7 Korrik 2025 – Policia ka nisur procedime penale për tre raste të veçanta zjarrvënieje të pakujdesshme në zona të ndryshme të qarkut të Elbasanit.
A. R., 33 vjeç, dyshohet se ka ndezur zjarr pranë varrit të nënës në lagjen “Shënkoll”, duke shkaktuar djegie të një sipërfaqeje toke me barishte të thata.
S. P., 77 vjeç, ka djegur mbetje, zjarri i të cilave është përhapur dhe ka përfshirë bimësi dhe shkurre në ambient të hapur.
F. Ll., 46 vjeç, në zonën e Gramshit, ka ndezur zjarr për të djegur barishte, por flakët kanë dalë jashtë kontrollit duke përfshirë sipërfaqe me shkurre.
Policia apelon që qytetarët të tregojnë kujdes maksimal, pasi temperaturat e larta dhe pakujdesia mund të çojnë në pasoja të rënda për mjedisin dhe jetën e qytetarëve.
