Një veprim i papërgjegjshëm i një drejtuesi automjeti ka shqetësuar banorët në një zonë të banuar në Cërrik, duke detyruar ndërhyrjen e Policisë.
Shtetasi E. M., 36 vjeç, është proceduar penalisht pasi ka xhiruar gomat e automjetit në mënyrë të përsëritur, duke krijuar zhurmë dhe rrezik potencial për kalimtarët.
Ngjarja ndodhi në një rrugë të banuar të qytetit dhe është filmuar nga qytetarët, ndërsa Policia konfirmon se materialet janë referuar Prokurorisë për vijimin e ndjekjes ligjore.
