apet një 35-vjeçar i shpallur në kërkim për vjedhje në objekte kulti
Shërbimet e Komisariatit të Policisë Gramsh, në bashkëpunim me Policinë Kufitare të Muriqanit, kanë bërë të mundur ndalimin e një shtetasi të shpallur në kërkim për vjedhje në objekte të kultit fetar.
Në pranga ka rënë shtetasi S. T., 35 vjeç, banues në Cërrik, i cili ishte shpallur në kërkim më datë 27.08.2025 nga Komisariati i Policisë Gramsh. Ai dyshohet si autor i dy rasteve të vjedhjes së një shume prej gjithsej 70.000 lekësh:
Më 20.08.2025, në tyrben e fshatit Grabovë e Poshtme;
Më 27.08.2025, në teqenë e fshatit Dushk.
Kapja e tij u bë e mundur falë informacionit operativ se i kërkuari do të tentonte të hynte në territorin shqiptar, dhe ndërhyrjes në kohë të shërbimeve të kufirit në pikën e kalimit Muriqan.
Policia njofton se vijojnë hetimet për të zbardhur raste të tjera të mundshme ku mund të jetë i implikuar 35-vjeçari.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
