Policia e Sarandës thotë se 19-vjeçari i cili u raportua se ishte rrëmbyer ditën e sotme në Qafën e Gjashtës, ndodhet në ambientet e Komisariatit.
19-vjeçari Françesk Mani është duke dhënë dëshminë lidhur me një mosmarrëveshje që ka pasur me një shtetas tjetër, njofton policia, pa dhënë më tepër detaje lidhur me ngjarjen.
Njoftimi i Policisë:
Në lidhje me një njoftim të publikuar në media, se një shtetas është rrëmbyer në qytetin e Sarandës, ju informojmë se:
Shtetasi i identifikuar me iniciale F. M, 19 vjeç, aktualisht ndodhet në ambientet e Komisariatit të Policisë Sarandë, në gjendje të mirë shëndetësore, dhe po jep deklaratën e tij lidhur me një mosmarrëveshje që ka pasur me një tjetër shtetas.
Vijon puna për sqarimin dhe dokumentimin e plotë të këtij rasti, si dhe për identifikimin e personave të përfshirë në të.
