Interpol Tirana ka ekstraduar nga Greqia Mustafa Saliun, i dënuar nga Gjykata e Durrësit me 18 vite burg për veprën penale “Trafikimi i fëmijëve”, kryer në bashkëpunim dhe nëpërmjet dhunës.
Sipas autoriteteve, gjatë viteve 2001–2002, Saliu, në bashkëpunim me të tjerë, ka trafikuar fëmijë nga Shqipëria drejt Greqisë, ku ata shfrytëzoheshin për lypje në rrugët e Athinës, nën presion dhe kontroll të vazhdueshëm.
Njoftimi i Interpol:
Interpol Tirana ka ekstraduar nga Greqia, shtetasin Mustafa Saliu, i cili është dënuar nga Gjykata e Durrësit, me 18 vjet burgim, për veprën penale “Trafikimi i fëmijëve”, nëpërmjet dhunës, kryer në bashkëpunim.
Gjatë periudhës 2001 – 2002, ky shtetas, në bashkëpunim me shtetas të tjerë, ka trafikuar nga Shqipëria në Greqi, fëmijë të cilët janë shfrytëzuar për lypje, në rrugët e Athinës, nëpërmjet presionit dhe kontrollit.
Gjithashtu, u tranferua nga Gjermania, për të vuajtur dënimin në Shqipëri, shtetasi Florjan Musaj (Cojocareanu), i dënuar me 8 vjet e 10 muaj burgim, për veprimtari kriminale në fushën e narkotikëve, të kryer në Gjermani.
