DURRËS- Të shtëna me armë zjarri raportohet se ka ndodhur mbasditen e sotme në qytetin bregdetar të Durrësit. Bëhet me dije se si pasojë e të shtënave një 30-vjeçar ka mbetur i plagosur në zonën e Shkafanës,
30-vjeçari ka marrë një plagë në këmbë dhe është dërguar menjëherë në Spitalin Rajonal të Durrësit, ku ndodhet nën kujdesin e mjekëve. Fatmirësisht, i riu ndodhet jashtë rrezikut për jetën.
Gjithashtu dyshohet se ngjarja ka ndodhur pas një konflikti të nisur për motive të dobëta, ndërsa uniformat blu kanë identifikuar autorin e dyshuar të plagosjes dhe po punojnë për kapjen e tij.
