Bekim Bruka nga Kukësi, student i ‘Columbia University’ ka zhvilluar një intervistë për Fax News ditën e sotme për të folur mbi pjesmarrjen në një takim me Presidentin kroat, Zoran Milanoviç, të cilin e ka pyetur për iniciativën “Open Balkan”.
Bekim Bruka deklaroi se presidenti kroat ka qenë tepër diplomatik në përgjigjet e tij, sepse Kroacia nuk dëshiron të përfshihet në një debat të tillë.
“Përgjigja ka qenë shumë diplomatike nga Presidenti dhe me njëfarë ngurimi, sepse Kroacia nuk ka dashur të përfshihet në një debat të tillë. Para disa ditësh kam dëgjuar një fjalim të Tomorr Alizotit që tha se politika e jashtme ka nevojë për mendimtarë dhe jo komedian. Nuk kemi të bëjmë me një tradhëti siç thuhet, por me naivitet të qeverisë shqiptare ndaj Kosovës”, deklaroi Bruka.
Më tej, ai u shpreh se politika shqiptare në rajon duhet të ishte më e unifikuar në përgjigjen ndaj kësaj nisme, duke shtuar se presidenti kroat i kishte thënë që duhet parë me skepticizëm çdo iniciativë që vjen nga Beogradi.
“Mendoj se duhet të kishte qenë një përgjigje unifikuese nga të gjitha palët, Prishtinë, Tiranë dhe Shkup, sepse edhe aty shqiptarët janë minortitet që formojnë qeveri aty. Politika shqiptare duhet të ishte përgjigjur në mënyrë të përbashkër. Çdo inicitivë që vjen nga Beogradi duhet të shihet me skepticizëm. Siç e tha Presidenti kroat Beogradi nuk është serioz në integrimin europian dhe ka influenca nga lindja. Duhet t’i kundërpërgjigjemi në mënyrë të përbashket Beogradit. Kjo do ishte nisëm e mirë në rast se i bashkohen të gjitha vendet e Ballkanit“, u shpreh ai.
