Një ngjarje e rëndë është regjistruar në qendër të qytetit të Shkodrës, ku dy të rinj janë përfshirë në një konflikt që ka përfunduar me përdorimin e mjetit prerës.
Sipas informacioneve paraprake, sherri mes tyre ka degjeneruar në dhunë fizike, ndërsa është përdorur një thikë, duke lënë të dy të rinjtë të plagosur.
Ngjarja ka ndodhur pranë shatërvanit, në zonën qendrore të qytetit, duke shkaktuar shqetësim te kalimtarët e pranishëm.
Të plagosurit janë transportuar menjëherë në spital, ku po marrin ndihmën mjekësore. Ende nuk dihen rrethanat e plota të konfliktit, ndërsa pritet një reagim zyrtar nga policia për sqarimin e ngjarjes.
