Çmimet e produkteve ushqimore vazhdojnë të jenë të larta në Elbasan.Qytetarët ankohen se nuk kanë para të kryejnë blerje.Sipas tyre pensionet dhe pagat janë të ulëta, ndërsa çmimet të larta.Veçanërisht pensionistët pohojnë se kursejnë edhe për të ngrënë.Thonë se blejnë kryesisht presh , domate dhe pak bulmet….
Qytetari 1: Ne jemi pensionista, nuk i mbulojmë dot shpenzimet.Sot kam blerë vetëm një tas kos, kaq mundem.
Qytetari 2: Me 9-të mijë lekë cfarë të bëj unë. Do marr një gjysëm kilogrami domate dhe presh. Kaq është fuqia, se dua të blej dhe ilaçe. Kursej dhe për të ngrënë se kështu është jeta në Elbasan.
Qytetari 3: E vështirë është. Nuk i mbulojmë dot shpenzime. Ja siç e shikoni kam blerë qepë. Kjo nuk është jetë.
Shitësit pranojnë rritjen e çmimeve në dy vitet e fundit.“Më përpara çmimet kanë qënë më të ulëta dhe njërëzit kishin para” thotë një shitëse në markatën e qytetit.
Shitësja: Çmimet janë të larta, njerëzit pare nuk kanë. Më përpara çmimet kanë qënë më të mira, blinin njerëzit, tani kanë mbetur vetëm të moshuarit.Vitet e fundit është bërë më keq, mirë nuk po bëhet. Spinaqi sot shitet 120 leke, qytetarët blejnë shumë pak vetëm një tufë. Janë fukarenj, më vjen keq kur i shoh. Kam 40-të vjet tregtare po vitet e fundit është bërë shumë keq.
Këto tezga bosh janë dëshmi e rënies së fuqisë blerëse.Kriza ekonomike ka kaplur qytetar dhe tregtarë.Nga ana tjetër rritja e çmimeve zinxhir detyron fermerët t’i rrisin çmimet e produkteve që nxjerrin në treg.
elbasanion
