LUSHNJE- Një plagosje me armë zjarri ka ndodhur gjatë natës në një lokal në fshatin Çukas në Lushnje.
Sipas informacioneve policore, pas një konflikti për motive të dobëta, pronari i lokalit, Resul Gashi ka qëlluar në këmbë klientin, Ramadan Menka, 58 vjeç.
Ky i fundit ndodhet në spital jashtë rrezikut për jetën, ndërkohë policia po punon për kapjen e autorit të plagosjes.
“Specialistët për Hetimin e Krimeve të Komisariatit të Policisë Lushnjë shpallën në kërkim shtetasin R. G., 56 vjeç, pasi gjatë mesnatës, në fshatin Çukas, dyshohet se, pas një konflikti për motive të dobëta, në ambientet e lokalit në pronësi të tij, ka plagosur me armë zjarri në këmbë, shtetasin R. M., 58 vjeç, (klient), i cili ndodhet në spital jashtë rrezikut për jetën. Vijon puna për kapjen e shtetasit R. G.”, thuhet në njoftimin e policisë.
