Përplasje mes motoçiklete dhe makine në autostradë, lëndohet një person

Një aksident rrugor është regjistruar në aksin Tiranë–Elbasan, në afërsi të fshatit Shijon, ku një motoçikletë është përplasur me një automjet.

Sipas njoftimit zyrtar, 43-vjeçari B. B., që drejtonte motoçikletën, ka pësuar dëmtime dhe është transportuar për ndihmë mjekësore. Ai ndodhet jashtë rrezikut për jetën.

Në përplasjen me automjetin e drejtuar nga shtetasi O. P., 35 vjeç, janë shkaktuar edhe dëme materiale. Policia ka nisur procedim penal ndaj drejtuesit të motomjetit dhe po heton shkaqet dhe dinamikën e plotë të aksidentit.