Një aksident është regjistruar ditën e sotme në Vlorë. Mësohet se në aksident janë përfshirë një makinë dhe një motor.
Më tej bëhet me dije se ngjarja ka ndodhur në afërsi të Triportit. Si pasojë e këtij aksidenti humbi jetën drejtuesi i motomjetit ndërsa mesohet se ai punonte roje në një subjekt privat.
Vlorë/Informacion paraprak
Në vendin e quajtur “Kryqëzimi i Triportit”, automjeti me drejtues shtetasin N. P. është përplasur me një motomjet me drejtues një shtetas ende të paidentifikuar, rreth 70 vjeç, i cili si pasojë e dëmtimeve të marra, ka humbur jetën në spital.
Drejtuesi i automjetit, shtetasi N. P., është shoqëruar në komisariat, për veprimet procedurale.
Grupi hetimor po kryen veprimet për zbardhjen e plotë të rrethanave të aksidentit, si dhe për identifikimin e drejtuesit të motomjetit.
