Deputeti socialist Erion Braçe, përmes një postimi në rrjetin social Facebook, ka reaguar ndaj kompanisë Kurum, lidhur me çështjen e mbetjeve toksike, duke thënë se nuk mund të shantazhojë qeverinë me pengje njerëzish.
Braçe shprehet se Kurum ka qenë e privilegjuar dhe ka përfituar në mënyrë klienteliste deri në kufijtë e monopolit, por shton se ajo kohë ka mbaruar dhe tani duhet të mbajë përgjegjësi para ligjit.
“Kurum nuk mund te marre peng punetoret! Kurum nuk mund te shantazhoje edhe nje here qeverine-me pengje njerezore! Kurum duhet ti nenshtrohet ligjit, ti pergjigjet autoriteteve sipas ligjit, te clirohet apo mbaje pergjegjesi ne perputhje me ligjin! Asgje me pak e asgje me shume! Punetoret nuk hyjne ne kete mes; madje me punetoret kurum po ben krim-edhe ky duhet hetuar!
E ka bere edhe nje here me pare kete shantazh kur shpalli falimentin per ti ikur hetimeve per evazion fiskal; jo me! Kurre me! Nuk mundet nje kompani te marre peng punetoret e te shantazhoje qeverine me ta! Nuk duhet toleruar!
Po, ka qene e privilegjuar e ka perfituar ne menyre klienteliste-per mua te padrejte, ne energji, porte e metalurgji-deri ne kufijte e mo-no-po-lit, por ajo kohe ka mbaruar! Ne ane tjeter, qeveria ka marre vendimin e duhur per te mos pranuar ketu, mbetjetet e dyshuara si te rrezikshme!
Qeveria i ka dhene prioritet hetimeve dhe analizave dhe kjo eshte rruga! Pergjigje per ata qe sic me nje loder kineze qe nuk ben analize biologjike e kimike te produktit damkosen frutat e perimet, po njesoj kane shpallur mbetje te rrezikshme duke sherbyer vete si laborator, pergjigje dhe per gjithe arradhen e politiqeneve qe deri dje ulerinin per importin e mbetjeve qe nuk egzistonte, sot ulerijne per eksportin e mbetjeve qe duhet provuar ne jane te rrezikshme apo jo!”, thotë Braçe.
