DURRËS, 21 qershor 2026 – Një ngjarje e rëndë është regjistruar paraditen e së dielës në Durrës, ku një 11-vjeçar dyshohet se ka humbur jetën pasi u mbyt në det.
Sipas informacionit paraprak të policisë, rreth orës 10:35, në lagjen nr. 13 të qytetit bregdetar, i mituri, banues në Tiranë, ishte duke u larë në det kur dyshohet se është mbytur aksidentalisht.
Menjëherë pas njoftimit, në vendngjarje kanë mbërritur shërbimet e policisë dhe grupi hetimor, të cilët kanë nisur veprimet për zbardhjen e plotë të rrethanave të ngjarjes.
Autoritetet bëjnë me dije se hetimet janë në vijim për të përcaktuar shkakun e saktë të mbytjes dhe për të dokumentuar të gjitha rrethanat që çuan në humbjen e jetës së të miturit.
Ngjarja ka tronditur pushuesit dhe familjarët e viktimës, ndërsa priten rezultatet e hetimeve zyrtare.
Durrës / Informacion paraprak
Rreth orës 10:35, në lagjen nr. 13, Durrës, gjatë kohës që po lahej në det, dyshohet se është mbytur aksidentalisht një 11-vjeçar, banues në Tiranë.
Grupi hetimor vijon punën për sqarimin dhe dokumentimin e plotë të rrethanave të ngjarjes, si dhe për përcaktimin e shkakut të mbytjes.
