SHKODËR- Enea Busukja është punonjësi i Tatimeve që ka pre e atentatit ditën e sotme në Shkodër. Teksa kishte makinën e parkuar në zonën tek ‘Arra e Madhe’, lënda plasëse ka shpërthyer.
Nga shpërthimi Busukja është lënduar dhe ndodhet në spital jashtë rrezikut për jetën. Ndërkohë që Policia ka shkuar në vendngjarje për të zbardhur atenatin e rëndë.
Njoftimi i Policisë:
Shkodër/Informacion paraprak Rreth orës 11:35, në lagjen “Ndoc Mazi”, në momentin që shtetasi E. B. ka ndezur automjetin e tij, ka shpërthyer një sasi lënde plasëse në automjet. Si pasojë është dëmtuar shtetasi E. B., 38 vjeç, i cili është dërguar në spital dhe aktualisht është jashtë rrezikut për jetën. Grupi hetimor, në drejtimin e Prokurorisë, po kryen veprimet për zbardhjen e rrethanave të rastit, identifikimin dhe kapjen e autorit/ëve.
