FIER- Një tjetër aksident rrugor ka ndodhur paraditen e sotme në Fier. Një automjet tip Land Rover ka përplasur një këmbësor pranë shkollës së muzikës.
I plagosur është dërguar më urgjencë në spitalin rajonal të Fierit, ndërsa është në gjendje të rëndë shëndetësore dhe në rrezik për jetën.
Policia dhe grupi hetimor ndodhen në vendngjarje dhe po punojnë për zbardhjen e shkaqeve të aksidentit.
Fier/Informacion paraprak
Rreth orës 11:00, në lagjen “Liri Gero” automjeti me drejtues një shtetas 17 vjeç, banues në Fier, ka përplasur një këmbësor, rreth 35 vjeç, i cili ndodhet në spital, në kujdesin e mjekëve.
Eshtë shoqëruar në Komisariat drejtuesi i automjetit me të cilin po kryhen veprimet procedurale.
Grupi hetimor po punon për identifikimin e shtetasit të dëmtuar dhe për sqarimin e plotë të rrethanave dhe shkakut të aksidentit.
