Nga Entela Duka
Në Qarkun e Elbasanit infrastruktura rrugore paraqitet problematike.Vonesa në ndërhyrje shumë rrugë i ka degraduar, duke u shndërruar në rrezik potencial për banorët.Një ndër to është rruga që lidh dy fshatrat Bujaras dhe Kodër Bujaras. Vetëm 3 km e gjatë pjesë e Bashkisë së Elbasanit kjo rrugë është lënë në harresë.Banorët thonë se në 33- vite demokraci nuk kanë parë asnjë investim.Sipas tyre rruga pengon nxjerrjen në treg të produkteve bujqësore por dhe arritjen në kohë për të marrë shërbim shëndetësor.Banorët shtojnë se ndjehen të harruar.
Mungesën e infrastrukturës e vuajnë të paktën 750 banorë. Jashtë kameras drejtuesit vendor bëjnë me dije se e kanë përgatitur projektin e rehabilitimit rreth 3 vjet më parë por nga mungesa e fondeve ka mbetur në këtë gjendje.
