Gjendet i mbytur në kanal efektivi i FNSH në Shkodër.
Sipas informacioneve paraprake, Nikol Lekndreaj 52 vjeç, ka humbur kontrollin e motomjetit dhe ka përfunduar në një kanal.
Mësohet se për shkak të stuhisë se madhe dhe erës e ka patur shumë të vështirë të dalë prej andej.
Ngjarja ka ndodhur teksa ai po kthehej në shtëpi, pasi kishte pirë një kafe me miqtë.
Shkodër/Informacion paraprak
Rreth orës 02:50, në fshatin Bardhaj, shtetasi N. L., 51 vjeç, (punonjës policie i Forcës Kombëtare të Sigurisë, Njësia Shkodër, i cili ishte jashtë orarit të shërbimit), duke drejtuar motomjetin e tij, dyshohet se ka humbur kontrollin mbi drejtimin e motomjetit, si pasojë e motit të keq, dhe për pasojë motomjeti ka dalë nga rruga, duke rënë në një kanal me ujë.
Shtetasin N. L. e ka marrë rrjedha e ujit dhe për pasojë ka humbur jetën.
Shërbimet e Policisë, përgjatë orëve të mëngjesit, gjatë kontrollit të kanalit që të çon në lumin Kir, kanë bërë të mundur gjetjen e trupit të pajetë të 51-vjeçarit.
Grupi hetimor vijon punën për sqarimin e rrethanave dhe dokumentimin ligjor të këtij rasti.
