U kujdesën që gjithçka të ishte larg vëmendjes së të gjithëve dhe ia dolën. Një dhe e vetme ishte fotoja që Arbana dhe Edi ndanë me miqtë e tyre virtualë në qershor të këtij viti në ceremoninë e tyre në Toskanë dhe pas saj, asgjë nuk u tha dhe nuk u komentua. Krejtësisht private ajo dasmë madhështore, nga e cila shumë pak u mësua, meqenëse edhe miqtë e afërt respektaun kërkesën e çiftit për të ruajtur privatësinë e eventit.
Por Eraldo Rexho, i ftuar dje në “Ftesë në 5” me Bieta Sulon, duke rrëfyer disa prej momenteve më të veçanta të këtij viti, zbuloi më shumë edhe për Arbana Osmanin. Përmes një fotoje me Arbanën dhe Edin, Eraldo kujtoi se ajo ceremoni ka qenë shumë emocionuese jo vetëm për çiftin, por edhe për të ftuarit që u bënë pjesë e gëzimit:
“Ka qenë një nga momentet që unë mezi e kam pritur. Që kur çifti ka nisur historinë, unë i kam kërkuar se s’bën dasmën. Arbana nuk ka qenë shumë pro, po Edi ka qenë në krahun tim. Ne të dy jemi dy shokët e ahengut, e qejfit, e muzikës dhe patjetër ishte shumë qejf t’i shikoje të dy bashkë, me fëmijët e tyre, në Toskanë. Ka qenë një nga momentet më të bukura të vitit, besoj jo vetëm për ta, por edhe për ne miqtë dhe të afërmit e tyre që ishim pjesë e ceremonive. Shumë emocionuese, shumë. Unë edhe tani kur e kujtoj, ka momente që emocionohem, si veçanërisht momenti i betimit në kishë, ka qenë shumë, shumë i bukur.
Eraldo shtoi se Arbana, Edi, por edhe ai (pa dyshim, si shumë të tjerë) kanë qarë në momentin e betimit: “Qau Arbana, patjetër. Edhe Edi… Edhe unë.”.
Por supriza ishte darka: “Arbana, pastaj në darkë ishte komplet një gjë që s’e kishim parë. Ka kënduar, ka festuar, ka kërcyer dhe, në fund fare, tha: “Të nderoi shoqja jote?”. Duke qenë jo natyrë e valleve, e popullores, Arbana nuk pritej të ishte aq alegrike.. “Por nuk është ulur asnjë moment.”
