Specialistët e qarkullimit rrugor kanë shpallur në kërkim shtetasin J. Sh., 18 vjeç, pas një aksidenti të ndodhur në bulevardin “Aqif Pasha”.
I riu dyshohet se, duke drejtuar një motomjet, ka përplasur një biçikletë me të cilën lëvizte një i mitur dhe më pas është larguar nga vendngjarja. Si pasojë, i mituri është dëmtuar, por ndodhet jashtë rrezikut për jetën.
Vijon puna për kapjen e 18-vjeçarit.
Materialet procedurale iu referuan Prokurorisë së Elbasanit, për veprime të mëtejshme.
