Një aksident me pasojë dëmtimin e një të moshuari është regjistruar në rrugën “Qemal Stafa” në Elbasan.
Policia ka vënë në pranga 34-vjeçarin A. L., pasi me automjetin që drejtonte ka përplasur 78-vjeçarin K. Sh., i cili po lëvizte me biçikletë.
Ngjarja ndodhi gjatë ditës së djeshme dhe për pasojë, i moshuari u dërgua me urgjencë në spital, ku ndodhet nën kujdesin e mjekëve. Gjendja e tij është e stabilizuar, por vijon të mbahet në observim.
Policia e Elbasanit konfirmon se arrestimi i drejtuesit të mjetit u krye në flagrancë, ndërsa materialet hetimore janë referuar Prokurorisë për veprime të mëtejshme.
