ATHINË- Një ngjarje e rëndë ka ndodhur mbasditen e sotme në zonën e Agios Panteleimonas në Athinë. Mësohet se një 30-vjeçar me origjinë shqiptare është ekzekutuar me armë zjarri.
Sipas mediave greke i riu shqiptar u qëllua për vdekje në kokë dhe u gjet i shtrirë pa shenja jete në adresën Michalis Voda 200. Sakaq, policia greke ka rrethuar zonën, ndërsa në vendngjarje ka mbërritur edhe mjeku ligjor. Hetimet janë duke vijuar për zbardhjen e rrethanave dhe motivit të kësaj vrasjeje.
