Një ngjarje e dhunshme ka ndodhur në rrugën “Kongresi i Lushnjës” në Tiranë, ku një i ri humbi jetën pas një konflikti brenda një lokali. Sipas burimeve paraprake, viktima është qëlluar me thikë gjatë sherrit.
Viktima është identifikuar si Egli Pashollari, 31 vjeç. Autoritetet bëjnë me dije se po hetojnë për zbardhjen e plotë të rrethanave të ngjarjes dhe për identifikimin e autorit ose autorëve të përfshirë.
Sipas informacioneve paraprake, Pashollari njihej si pjesë e një grupi të njohur kriminal, por hetimet për motivet dhe rrethanat e sherrit janë ende në vijim.
Policia ka nisur veprimet hetimore dhe do të japë informacione të mëtejshme sapo të ketë të dhëna zyrtare.
