Gjatë një diskutimi në emisionin ‘Task Force’ , analisti Andi Bushati u shpreh se, SPAK të bëjë hetimin e pasurisë së Erion Veliaj dhe Edi Ramës.
Sipas Bushatit, SPAK nuk po bën një hetim të drejtë për inceneratorët, por është duke bërë një hetim për të vrarë të vërtetën e inceneratorëve.
“Argumentimi që i bëri Arben Ahmetaj direktivës politike që i është dhënë SPAK për ta hetuar çështjen e inceneratorëve në këtë drejtim është shumë bindës.
Ahmetaj thotë, jo me pllakat e shtëpisë time, por me 60 milionëshin ca u bë.
60 milionëshi fillon e zbardhet po hetove ti të gjithë njerëzit që kanë bërë procedurat e ngritjes së piramidës së inceneratorit të Tiranës.
Mua po më bëni hetim pasuror, duke më numëruar vilat, çarçafët, parketin, pllakat. Duke mos qenë i përfshirë tek procedura, duke mos pasur asnjë firmë që i kam dhënë inceneratorit, shumë mirë them unë që ja kanë bërë hetimin pasuror.
Po pse të mos bëhet i njëjti hetim pasuror edhe për Erion Veliajn, të cilin e kemi me dokumente që ka tejkaluar edhe ligjin për ti dhënë para inceneratorëve.
Po pse të mos bëhet i njëjti hetim pasuror për Edi Ramën që i jep pikët bonus një kompania që nuk është akoma e regjistruar.
Nga mënyra se si u mbrojt Ahmetaj ne kuptuam se SPAK, jo vetëm e ka bërë me dy standarde, por po bën një hetim për të vrarë të vërtetën.
Nëse unë deri dje e quaja Arben Ahmetaj si një nga arkitektët e inceneratorëve, sot unë besoj më shumë versionin që dha Ahmetaj, që duan të më bëjnë mua kokë turku, që përmes kokës time të shpëtojnë kokat e Veliajt dhe Ramës.
Është hera e parë mendoj unë që SPAK-ut ti vihet një njollë publike, që është i përdorur politikisht dhe nëpërmjet mjeteve juridike, po vë në zbatim një direktivë politike që mund të iki dhe Bllako dhe Koka, mund të ikë dhe Ahmataj.
Unë e kam thënë gjithmonë, se SPAK po ta kapësh në thelb është zbatimi i parrullës së Ramës; ka njerëz që kanë ngrënë kumbulla dhe dardha pas shpinës time.
Ahmetaj na konfirmoi dje, pikërisht këtë, që SPAK po bën këtë gjë”, tha Andi Bushati.
