Aksident në “Rrugën e Kombit”, automjeti përplas këmbësorin në afërsi të Repsit – dërgohet me urgjencë në Spitalin e Traumës

Mirditë – Një aksident rrugor është regjistruar pasditen e sotme në “Rrugën e Kombit”, pranë zonës së Repsit, në Mirditë.

Sipas të dhënave zyrtare të Policisë, rreth orës 16:00, një automjet i drejtuar nga shtetasi N. A. ka përplasur një këmbësor, shtetasin A. N., i cili ka pësuar dëmtime të konsiderueshme.

I plagosuri është transportuar me urgjencë në Spitalin e Traumës në Tiranë, ku ndodhet nën kujdesin e mjekëve.

Drejtuesi i mjetit është shoqëruar në Komisariat për veprime të mëtejshme procedurale, ndërsa grupi hetimor po vijon punën për zbardhjen e plotë të rrethanave të ngjarjes.