SHKODËR- Një aksident me pasojë vdekje ka ndodhur paraditen e sotme në aksin rrugor Lezhë–Shkodër. Konkretisht aksidenti ka ndodhur pranë kryqëzimit të fshatit Gjadër. Si pasojë e aksidentit një turist i huaj, që udhëtonte me motor, ka humbur kontrollin dhe është përplasur me një automjet tjetër në lëvizje.
Fatkeqësisht ai ka ndërruar jetë në vendin e ngjarjes, pavarësisht ndërhyrjes së shpejtë të shërbimeve emergjente. Ndërkohë policia ndodhet në vendin e ngjarjes dhe po punon për zbardhjen e plotë të shkaqeve të aksidentit.
