Elbasan – Një aksident rrugor ka ndodhur në aksin “Gostimë–Cërrik”, ku një 21-vjeçar, P. Xh., është arrestuar në flagrancë nga specialistët e qarkullimit rrugor, pasi përplasi një këmbësore me motomjetin që drejtonte pa leje drejtimi. E aksidentuara është shtetasja A. T., 71 vjeçe. Të dy të dëmtuarit ndodhen nën kujdesin e mjekëve në spital, jashtë rrezikut për jetën. Policia ka nisur hetimet për shkelje të rregullave të qarkullimit rrugor dhe drejtim automjeti pa leje.
