FIER- Një aksident i rëndë ka ndodhur pak minuta më parë në zonën e quajtur Qafë Koshovicë. Mësohet se një automjet tip “Benz” ka dalë nga rruga dhe është përmbysur. Konkretisht në mjet ndodheshin katër persona, nga të cilët tre kanë mbetur të plagosur.
Menjëherë më pas të lënduarit janë transportuar me urgjencë në spitalin e Fierit, ku po marrin ndihmën e nevojshme mjekësore. Ndërkohë në vendngjarje ka mbërritur policia dhe grupi hetimor, të cilët po punojnë për të zbardhur rrethanat e plota të ngjarjes.
Njoftimi i Policisë:
Rreth orës 20:00, në vendin e quajtur “Qafa e Koshovicës”, shtetasi E. S., 44 vjeç, banues në Patos, duke drejtuar automjetin dyshohet se ka humbur kontrollin mbi drejtimin e automjetit i cili ka dalë nga rruga.
Si pasojë janë dëmtuar tre pasagjerët, si dhe vet drejtuesi i automjetit, të cilët ndodhen në spital, në kujdesin e mjekëve, jashtë rrezikut për jetën. Grupi hetimor po punon për zbardhjen e rrethanave dhe përcaktimin e shkakut të aksidentit.
