KOSOVË- Një aksident i rëndë është regjistruar në fshatin Llapushnik të Drenasit. Mësohet se ngjarja ka ndodhur në mbrëmje në rrugën Pejë-Prishtinë. Fatkeqësisht nga përplasja e dy mjeteve kanë humbur jetën dy persona. Viktima janë dy 46-vjeçarë të identifikuar me inicialet Sh.G. dhe A.G.
Gjithashtu është plagosur rëndë një 19-vjeçare me inicialet F.G. Ajo është dërguar me urgjencë në Qendrën Klinike Universitare të Kosovës, QKUK dhe ndodhet në gjendje të rëndë shëndetësore. Ende nuk dihen shkaqet e këtij aksidenti ndërsa mediat në Kosovë kanë publikuar poamje nga vendi i ngjarjes dhe nga dëmet e mjeteve duket që përplasja ka qene e rëndë.
