Një aksident ka ndodhur në aksin rrugor Elbasan-Peqin. Sipas njoftimit të policisë, në fshatin Bishqem janë përplasur tre automjete.
Dy automjete tip “Benz” me drejtues 30-vjeçarin me iniciale R.M., dhe 40-vjeçarin I.V., janë përplasur me automjetin tjetër tip “Fuoristrad” me drejtues A.T., 57 vjeç.
Si pasojë e përplasjes kanë marrë lëndime dy pasagjerët e mjetit tip “Foristrad” dhe dy drejtuesit e mjeteve tip “Benz”, të cilët ndodhen jashtë rrezikut për jetën.
Njoftimi i plotë
Më datë 06.09.2021, rreth orës 15:30, në aksin rrugor Elbasan-Peqin, në fshatin Bishqem, Peqin, mjeti tip “Benz” me drejtues shtetasin R.M., rreth 30 vjeç, banues në fshatin Shtëpanjë, Cërrik është përplasur me mjetin tip “Benz” me drejtues shtetasin I.V., rreth 40 vjeç, banues në Fier, dhe me mjetin tip ” Foristrad” me drejtues shtetasin A.T., 57 vjeç, banues në Shkup, Maqedonia e Veriut.
Si pasojë e aksidentit janë plagosur dy pasagjerët e mjetit tip “Fuoristrad” dhe dy drejtuesit e mjeteve tip “Benz”, dhe ndodhen jashtë rrezikut për jetën.
Grupi hetimor ndodhet në vendgjarje dhe po punon për zbardhjen e shkakut të aksidentit.
