Një plagosje me thikë ka ndodhur mbrëmjen e sotme në Tiranë.
Ngjarja ka ndodhur në lagjen “4 Dëshmorët” të kryeqytetit në rrethana ende të paqarta.
Sipas raportimeve, autori i plagosjes është 35-vjeçari Eljot Xhafa, i arrestuar tashmë nga policia, ndërsa personi që ka mbetur i lënduar, 60-vjçari Agron Doci, i cili është dërguar me ambulancë drejt spitalit.
Autori është me precedent penal të mëparshëm, ndërsa dinamika e ngjarjes mbetet ende e paqartë.
“Më datë 12.10.2024, rreth orës 18:00, në rrugën “4 Dëshmorët”, shtetasi E. Xh., rreth 40 vjeç, dyshohet se pas një konflikti të çastit ka goditur me mjet prerës shtetasin A. D., 60 vjeç.
60-vjeçari si pasojë është dëmtuar dhe ndodhet në spital në kujdesin e mjekëve, ndërsa autori i dyshuar është shoqëruar në komisariat për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të ngjarjes”, bën me dije policia në një njoftim për mediat.
