Një aksident ka ndodhur mesditën e sotme në hyrje të qytetit të Laçit. Mësohet se një automjet ka përplasur për vdekje një këmbësore 72-vjeçe.
Ndërkohë, policia ka shoqëruar 24-vjeçarin Samuel Kasmi, drejtuesin e automjeit, për veprime të mëtejshme procedurale. Grupi hetimor ndodhet në vendngjarje dhe po punon për zbardhjen e shkakut të aksidentit.
Kurbin/Informacion paraprak
Rreth orës 12:20, në Laç, automjeti me drejtues shtetasin S. K., 24 vjeç, ka përplasur këmbësoren, shtetasen M. Gj., 72 vjeçe, e cila si pasojë ka humbur jetën.
Policia ka shoqëruar në Komisariatin e Policisë Kurbin, 24-vjeçarin, për veprime të mëtejshme procedurale.
Ndërkaq, grupi hetimor ndodhet në vendngjarje dhe po punon për zbardhjen e shkakut të aksidentit.
