KURBIN- Një aksident me pasojë vdekjen ka ndodhur në Kurbin. Mësohet se duke drejtuar mjetin e tij, 65-vjeçari me inicialet N. J., ka humbur kontrollin dhe ka dalë nga rruga. Si pasojë e plagëve të marra, bëhet me dije se 65-vjeçari ka humbur jetën në spital. Ndërkohë, grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
Njoftimi:
Kurbin/Informacion paraprak
Rreth orës 07:30, në fshatin Shullaz, shtetasi N. J., rreth 65 vjeç, duke drejtuar automjetin dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.
Si pasojë e plagëve të marra, shtetasi N. J., ka humbur jetën në spital.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
